Mangga ah, langsung wae, nu hoyong ngahaleuang tiasa sambil di aos lirik na di handap. Tapi, hapunten wae, mp3 atanapi video na tacan aya versi nu karaoke. Ngke gampil pami tos aya mah di bagi-bagi didieu. Jreeeenggggg ahhhhh…

Lirik Lagu “Majalengka Mapag Bagja”
Dipopulerkeun ku : Teh Rekha Dewi Asgarini
Ciptaan : Kang Teddy koes

Duh..lembur nu nineung
padumukan di lingkung ku gunung
sawah lega jeung palawija
nagri endah lilimpahan bagja
kota angin sumebar kasohor
rambut kasih nya nu ngababakna

Duh..nyi rambut kasih
sindangkasih babad tanah nagri
mapay taun ngudag kabagja’an
pangwangunan di sagala widang
keur rahayat sakabehanana
majalengka mapag kabagja’an

Reff:
Majalengka bersih lingkungana
jeung gemilang dina prestasina
mantap dina tatanan nana
napak dina agamana

Majalengka sopan tabe’at na
jeung saluyu kahirupanana
agrobisnis andelan nana
di rarojong ku rahayatna..

Nu hoyong pendak sareng panyanyi lagu ieu, mangga tiasa dipendakan online di fesbuk..hehehe.. Nu gaduh facebook tiasa langsung nga-add Teh Rere, klik di dieu keur nga-add.

Katingali dina foto diluhur, Taman Bunderan Munjul teh diresmikeun kaping 30 Desember 2009. Di tengah taman bunderanna, aya patung lauk cai, lauk naon nya? Ari ceuk beja mah ti salah saurang sumber, katingali na mah jiga lauk Patin cenah, anu panjang kaluhur. Aya lauk Bawal Rawa, Lauk emas, sareng duka lauk naon tah nu di handapna, anu aya 3 lauk.

Mun wayah pasosore, saharepna lah, cai mancur na mulai di hirupkeun. Jadi, mun siang mah si cai teh hnteu di puncratkeun.. Basa simkuring ngaliwat wayah maghrib, harita mah aya budak mandi di dinya nateh. Trus kamari mah, rame oge nu daragang, jeung oge pengunjungna mani pinuh. Nu naek mobil pribadi jeung naek motor.

Pokoknamah, cobaan wae jalan-jalan kadinya tos maghrib, ulah pas magrib, da batur mah keur wayahna sholat.hehehe.. Mangga, anu apal kana keterangan lengkap Taman Bunderan Munjul – Majalengka, tiasa ngeusi pairan atanapi komentar di handap. Hatur nuhun…

Postingan nu bade dongkap insyaAlloh, Lirik Lagu Majalengka Mapag Bagja

Bendungan Rentang aya di kecamatan Jatitujuh, di Dusun Rentang. Nya keur photo-photo na mah ngke wae dina tulisan anu sanes bade dipedar..

Ayeuna mah urang tingali wae heula lirik lagu na.. kemon Kang…!!!

Bendungan rentang

Lamun urang hayang ningal pamandangan
Nu bisa nyenangkan kana pikiran
Aya hiji tempat nu endah kacida
Ulah hilap Bendungan Rentang ngaranna

Komo lamun pareng dina Poe Minggu
Muda mudi sadaya pasti karumpul
Papasangan dina tempat anu endah
Matak betah, sungkan mun kedah papisah

Tuh angin jiga nu keur ngahariring
Geterna cai mepende gulinda hate
Ting garupay daun nu katebak angin
Bendungan Rentang ngajadi ciri nu pasti

Mun sore dina wanci tunggang gunung
Langit beureum nambahan ka endah rasa
Tuh bendungan ngajegir lir jadi saksi
Harita kuring nalikeun tali kaasih

Tah, sakitu lirik lagu na. Nu hoyong nga-download MP3 lagu Bendungan Rentang, tiasa mangga, aya di halaman ieu, klik diddue.

Nah, dihandap ieu tampilan blog Kang Iwan basa ngagunakan tema nu heubeul, jieunan jalma sejen.

Sapertos nu katingali ayeuna, tampilan blog ieu tos rubah, ngagunakeun tema anyar jieunan Kang Iwan sorangan. Bari diajar weh ieu mah..

Nah, ngarubah tema wordpress dina sadaya blog/situs nu diurus ku simkuring nyaeta salah sahiji target atanapi gampilna mah ide nu muncul di taun 2010 ieu. Sababaraha blog memang tos di rubah nganggo tema wordpress jieunan dewek. Terutamana blog-blog anu ngagunakeun mesin WordPress. Saperti blog simkuring nu Bahasa Indonesia (IwanSusanto.com) parantos di rubah oge.

Dina tema wordpress Majalengka ieu, simkuring ngagunakeun background body warna biru. Link-link na oge warna biru. Ieu mah pedah simkuring resep kana warna biru ti baheula na teh..hehehe.. Dari pada lieur neangan warna nu cocok, nya geus weh ngagunakeun warna nudipikaresep.. betul tidak?

Sabenerna mah aya hiji nu katinggaleun dina tema ieu, nu jadi ciri Majalengka, naon cik?? nyaeta bunderan Munjul nu patung lauk tea.heuheuyyy….. Kabeneran ti kamari simkuring can sempet wae rek motret teh, mun pas ngaliwat ka dinya da sok pas keur hujan.. Jadi sampe ayeuna weh can menang hiji oge..hehehe.. Rencana na mun tos aya potret Bunderan Munjul nu pas posisina, InsyaAlloh rek di gunakeun keur background tulisan ieu, jadi postingan / tulisan ieu backgroundna moal bodas, tapi gambar / potret Bunderan Munjul, Majalengka.. setuju tidak??

Mangga ah.. sakitu heula bewara ti simkuring.. Hatur nuhun kasadayana..

Nah nu kahiji, simkuring rek nulis ngenaan profile salah sahiji blogger nu asalna ti Kabupaten Majalengka, saha eta?? hehehe.. Iwan Susanto jenengan aslina. Asalna ti Blok Salasa, Desa Salawana, Kecamatan Dawuan. Salawana teh dimana? pasti moal apal, nu teu apal mah. Yeuh, Salawana teh sanes Sawala (kadipaten), atawa Wanasalam, atawa Sukawana. Salawana mah asupna mun ti Jatiwangi mah, lewat jl. Lanud Sukani, trus bisa lewat Desa JatiSura, Terus Surawangi, terus lewat jalan sawah (tilas jalan rel sepur). Atawa ti jalan Lanud Sukani, terus ka Kertasari (arah ka Desa Beber), terus lewat Desa Cibogor, Dusun Kampek, sampe Desa Salawana. Mun ti Kadipaten, asupna ti Desa Gandu, belah wetan RSUD Cideres, terus lewat Balida, belok ka kaler arah ka Desa Karanganyar / Panongan, Nah, saacanna Panongan teh aya parapatan, ka kulon ka Karanganyar, ka wetan teh ka Salawana. Mun ti Jatitujuh oge bisa, lewat Rentang tea, nu aya Bendungan Rentang, terus lewat desa Panongan. Jadi Salawana mah emang perbatasan di Kecamatan Dawuan teh, ka kulon terus ngaler, eta geus Kecamatan Jatitujuh (desa Panongan), ka wetan terus ngaler kecamatan Ligung (desa Cibogor), mun ka wetan rada ngidul geus kecamatan Jatiwangi (desa Surawangi). tenang weh, ayeuna mah jalanna tos di HOTMIX… Lancarrrrrrrrrrrrrrr…hehehe..

"B" teh Baturuyuk, tiasa lewat dinya, trus ka Mandapa.

Nah, ayeuna carita Kang Iwan. Urang Sunda nu teu bisa basa Sunda, hehehe.. Resep kana lagu Sunda, bobodoran Sunda, jeung kasenian Sunda lainna. Lahir bulan Desember taun 1985, sakola di SDN Salawana, SMPN 1 Dawuan (baheula na SLTP N 2 Dawuan) nu aya di Salawana, ngalanjutkeun sakola STM di SMK (TI) negeri 1 Kota Cirebon, jurusan Otomotif. Teu kuliah da emang ngarasa teu acan butuh. 3 bulan lulus STM karek menang gawe di daerah Padalarang, di pabrik kaemasan salila 9 bulanan. Langsung pindah ka Jakarta, di perusahaan alat berat, kususna traktor alat pertanian merek John Deere, salila 4 taun kurang 1 bulan.

Kusabab sok nyirikeun ka-Sunda-anna, Kang Iwan ku babaturan gawena di Jakarta sok di sebut Kang Ibing, atawa mun hnteu Kang Kabayan, atawa Ibing, sampe ka bagian kantor jeung GM (General Manager)na wae sok nyebut Ibing mun aya acara perusahaan wae.hahahaha. Terkenal na teh Ibing weh.. Nah, dari pada disebut kang Ibing atawa Kabayan, nya geus ayeuna mah nyebutkeunna Kang Iwan.hehehe..

Mulai bulan Juni 2009, Kang Iwan resmi kaluar ti perusahaan, ngalanjutkeun cita-cita hirup hayang jadi wirausahawan / entrepreneur / pengusaha kerenna mah..hehehe.. Sementara ayeuna mah keur POKUS (/fokus) di bisnis internet blog monetasi. Nya, nu di pokuskeun ayeuna nyaeta monetasi blog, atawa penghasilanna teh ngamangfaatkeun blog. Blog teh salah sahiji jenis situs / website, tapi jenis na blog, jadi blog teh naon? halahhh lieur lah.. Blog jiga situs ieu, www.iwansusanto.com atawa kang.iwansusanto.com, jadi blog mah jiga buku catetan wae.

Sabenerna mah Kang Iwan teh hayang jadi pengusaha sukses di Majalengka, makana Kang Iwan kaluar gawe ti Jakarta teh sakalian hayang cicing di lembur, di Majalengka. mun geus sukses, hayang nularkeun elmu ka urang Majalengka pokoknamah. Komo mun ngke Majalengka maju mah, urang salaku urang Majalengka nu kudu ngarajaan pergerakan ekonomi jeung bisnis di Majalengka. Ulah ku urang luar wungkul.

Blog Kang Iwan ieu oge, salian di tulis ku Basa Sunda, blog ieu oge dikususkeun keur nyarita Majalengka. Sakitu wae heula carita Kang Iwan na. Nu hoyong leuwih apal jeung deukeut, mangga tiasa di add as friend facebook-na di http://facebook.IwanSusanto.com. Hatur nuhun.

Coverna ganti deui euy…hehehe..

Tahap kadua InsyaAlloh kaping 21-an, bade disebar deui ka sakola SD jeung instansi pamarentahan sa-Kabupaten Majalengka. Nah, keur tahap kadua mah masih teu acan di jieun CD/DVD na, soalna kudu nyiapkeun nu rada seueur. Nya sakalian keur icaleun ka masyarakat umum jigana. Nya mudah-mudahan Album Pop Sunda ieu tiasa ditampi ku masyarakat urang Sunda, khususna ku urang Majalengka na keneh.

Rengsena Album ieu pastina teu aya sanes atas dukungan ti Pamarentah Kabupaten Majalengka, Bapa Bupati sareng Wakilna, Ketua DPR Majalengka, sareng dinas-dinas nu kakait kana kacumponanna Album ieu.

Oiya, didieu anjeun sadaya tiasa ngunduh atanapi download MP3-na lagu Majalengka Mapag bagja nu janten judul utama dina Album Pop SUnda Majalengka tea. ALhamdulillah tos kenging izin ti pihak pelaksana, tapi MP3 na wungkul. InsyaAlloh videona mah nyusul. Mudah2an tos tiasa / diizinan di upload di youtube akhir Desember ieu.

Album Pop Sunda Majalengka ieu diproduksi ku Bidang Kebudayaan Dinas Pendidikan Kebudayaan Pemuda dan Olahraga Kabupaten Majalengka. Pelaksana na nyaeta CV. ALTAR Majalengka anu disarengan ku Forum Seniman/wati Majalengka atanapi FSM.

Di handap aya sababara nami nu tos BERJUANG ngawujudkeun terciptana lagu-lagu pop Sunda Majalengka, sok geura urang sebutan hiji hiji..hehehe

Nu nyipta lagu: Teddy Koes, Abah Ajat, Samsuri
Nu Nyieun Musik: Teddy Koes
Nu ngalokan: Dude, Cangkeng, Iyas
Nu Noel Kendang: Dedi Bontot, Kendar
Nu niup suling: Oya
Nu Ngeset rebab: Oya
Nu Noel Gitar: Asep Rawing
Nu ngorek komputer: Asep Ro’i
Nu ngurus kabel: Otoy, Miki
Nu ngurus kostum: Teh titin Salon
Nu ngurus konsumsi: Teh Ari, Teh Euis
Nu jadi model: Kiki, Rizal, Neng Giani, Neng Indri, Johan, Nia, Siswa SMAN 1 Majalengka, Siswa SMAN Jatitujuh, Otoy, Linbab, Abah Ajat
Nu nyokot gambar: Eka -VIRTUAL Video Production-, Agus Agev, Feri -FF Studio-, Adit -BLACK Studio-.
Nu ngurus kamera: Anda, Ence, Ohang, Bo’ik
Nu beberes: Gewor, Dedi
Nu molah gambar: Eka VIRTUAL
Audio Studio: Studio INTANplus
Video Studio: VIRTUAL Video Production

Tah sakitu anu kapihatur. Mugia ku ayana Album Pop Sunda Majalengka sing tiasa ngenalkeun Kabupaten Majalengka intina mah. Yen di Majalengka oge gaduh kabudayaan daerah sareung seueur tempat-tempat anu endah keur rekreasi.hehehe..

Mangga, nu bade ngadangukeun tembang na, tiasa di unduh / download nganggo link di handap.

1. MP3 Majalengka Mapag Bagja (Teh Rekha Dewi A.), Klik di dieu pikeun ngunduh.
2. MP3 Bendungan Rentang (Kang Jojo Karjo disingkat JK, hehehe), klik di dieu pikeun ngunduh.

Samentawis 2 tembang wae heula nya, ngke nguntut nu sanesna mah. Nu hoyong nambih mangga ADD heula facebook simkuring, terus kirim pesan (message) nuhunkeun mp3 lagu pop sunda MJL. Terus traktir jajan baso di Majalengka..hahahaha.. ( Hatur nuhun ka Kang Eka -Virtual Video Production- kanggo DVD Album Pop Sunda MJL-na..    )

Nah, nu tos kenging mah kantun siap-siap wae atuh. Kusabab sakumaha nu dituliskeun dina kartu tanda peserta ujian CPNS Majalengka yen ujianna teh dilaksanakeun dina dinten Minggu, kaping 22 Nopember 2009. Kaleresan tempatna mah dibagi atanapi disebar di sababaraha sakola nu aya di sakuriling kota Majalengka. Rencang simkirung mah kenging di SMAN 2 Majalengka.

Ka anu teu acan kenging kartu peserta ujian, nya sing sabar wae, mugia taun payun aya deui penerimaan CPNS di Majalengka. Tur langkung seueur pormasina.

Nah, di Kabupaten Majalengka rek diayakeun pertandingan atanapi turnamen Bola Volly. Iraha cenah waktunya, waktuna teh ping 20 November dugi ka 13 Desember 2009. Tapi hnteu unggal dinten pertandingannana, waktuna ukur dinten Jumat, Sabtu, jeung minggu.

Nah, mun dinten Jumat sareng Sabtu mah acarana dimulai tabuh 13.00 dugi 18.00. pami Minggu ngawitan tabuh 10.00 enjing dugi tabuh 18.00 sonten. nah, nu resep nonton volly kahade tong katinggaleun nonton pertandingannana.

Oh enya, dimana cenah nonton na? Nah, pami simkuring ningali dina iklan nu di sisi jalan, di payunen SMK nu di Maja tea, acara pertandinganna dilaksanakeun di Aula Tunas Harapan, GOR Kecamatan Maja, Kabupaten Majalengka.

Sok ah, nu bade ngiring bertanding geura siap siap latihan heula.

Simkuring mulai sakola di SMP ieu keur jaman taun 1998, lulus taun 2001. Harita mah ngaranna keur masih SLTP Negeri 2 Dawuan keneh. Ayeunamah apan SMP, sanes SLTP.hehehe..

Dugi ka kiwari taun 2009, aya sababaraha bapa-bapa / ibu-ibu guru nu kapungkur ngajaran simkuring aya nu masih ngawulang di SMP ieu. Seueur oge nu tos ngalih ka sakola sanes. Pokonamah simkuring ngahaturkeun nuhun pisan nu saageung ageung na ka sadaya Bapa / Ibu Guru nu tos ngajar sehingga Simkuring janten jalmi nu gaduh elmu pangaweruh. Mugia sadaya kasaean Bapa / Ibu Guru kenging balesan nu langkung ageung ti Gusti Alloh Swt.. Amiin.

Keur ka para alumni SMP Salawana, mangga tiasa ningalian website atanapi situs alumni SMP Salawana di www.ikasaa.web.id, atanapi langsung gabung di group IKASSA (Ikatan Keluarga Alumni SMP Salawana) di Facebook, khususna ka sadaya rencang simkuring, atanapi saha wae nu apal ka simkuring mangga add wae na facebook. Urang raketkeun deui tali silaturahmi urang sadayana.

Dihandap aya sababaraha potret / photo wajah SMP N 1 Dawuan dina waktos ayeuna.

Nu gaduh fesbuk (Facebook), mangga di add simkuring nya.. Klik wae photo simkuring nu di luhur tea, nu palih katuhu..

Kusabab mulai sasih Agustus kamari simkuring ngalih ka Cirebon kost na, janten sementara mah teu tiasa seueur nulis ngenaan Majalengka. Teu nanaon lah, nu penting mah blog ieu nulisna make basa Sunda weh.

Nah, ayeuna rek nyarita ngenaan lembur kuring ah. Nami na teh Desa Salawana, lebet ka Kecamatan Dawuan, Majalengka. Desa Salawana lokasinya di tungtung kaler tina kecamatan Dawuan mah, perbatasanna sareng 3 kecamatan, perbatasan JatiTujuh (Desa Panongan), Ligung (Desa Cibogor), sareng Jatiwangi (Desa Sumur Tama / Desa Surawangi).

Tapi ayeuna sanes nyarita ngenaan Desa Salawana, ayeuna mah rek nyarita STC atanapi Salawana Touring Club,hehehe.. caritana mah ieu teh club / kumpulan pamuda Salawana nu resep kana momotoran (jalan jalan naek motor). Sanajan can puguh susunan organisasina, tapi da emang sanes organisasi sih. Ieu mah pedah mun libur Lebaran teh barudak hoyongna jalan jalan ngabrul naek motor ka tempat wisata, jadi weh dingaranan Touring Club, meh rada gaya weh..hehehe

Lebaran taun 2009 ayeuna teh mangrupi taun nu katilu (ka-3) STC ngayakeun acara tour. Kaleresan nu ayeuna teh tujuan tour na ka Waduk Darma nu aya di Kabupaten Kuningan tea. Nah, dihandap aya sababaraha potret kegiatan acara touring kamari ka Waduk Darma. Taun ayeuna mah peserta na paling sakedik di antara taun taun sateuacanna, da emang kurang terorganisir sih. Keur mah nu ngayakeun acarana oge sanes nu cicing di lembur, tapi nu keur nyaba di Kota, sapopoe na di panyabaan. Jadi rada sesah koordinasi milarian calon peserta di lemburna. tapi teu nanaon lah, saayana weh heula, nu penting mah tiasa jalan jalan kaluar.

Sakitu wae heula tulisan singket ngenaan kegiatan Salawana Touring Club. InsyaAlloh ngke bade di posting kegiatan touring nu taun taun sateuacanna.