Kang Iwan » download mp3 lagu sunda

Tampilan Anyar, Tema Majalengka

Kang Iwan — Mon, 25 Jan 2010 15:07:58 +0000

Wajah baru, wajah baru, ceuk Basa Indonesia na mah..hehehe.. Alhamdulillah, tema anyar keur blog Kang Iwan parantos beres di jieun, sakumaha nu katingali ku pamiarsa sadaya, tema nu anyar ayeuna nyaeta di namian Majalengka.hehehe.. ieu mah pedah gambar header (hulu) na weh gambar alun-alun Majalengka jeung Masjid Agung Majalengka. Jadi tema wordpress ieu kusimkuring di ngaranan Majalengka. Jeung hiji deui, blog basa sunda ieu masih didukung atawa ngagunakeun mesin WordPress Basa Sunda, tiasa di download di http://su.wordpress.org.

Nah, dihandap ieu tampilan blog Kang Iwan basa ngagunakan tema nu heubeul, jieunan jalma sejen.

Sapertos nu katingali ayeuna, tampilan blog ieu tos rubah, ngagunakeun tema anyar jieunan Kang Iwan sorangan. Bari diajar weh ieu mah..

Nah, ngarubah tema wordpress dina sadaya blog/situs nu diurus ku simkuring nyaeta salah sahiji target atanapi gampilna mah ide nu muncul di taun 2010 ieu. Sababaraha blog memang tos di rubah nganggo tema wordpress jieunan dewek. Terutamana blog-blog anu ngagunakeun mesin WordPress. Saperti blog simkuring nu Bahasa Indonesia (IwanSusanto.com) parantos di rubah oge.

Dina tema wordpress Majalengka ieu, simkuring ngagunakeun background body warna biru. Link-link na oge warna biru. Ieu mah pedah simkuring resep kana warna biru ti baheula na teh..hehehe.. Dari pada lieur neangan warna nu cocok, nya geus weh ngagunakeun warna nudipikaresep.. betul tidak?

Sabenerna mah aya hiji nu katinggaleun dina tema ieu, nu jadi ciri Majalengka, naon cik?? nyaeta bunderan Munjul nu patung lauk tea.heuheuyyy….. Kabeneran ti kamari simkuring can sempet wae rek motret teh, mun pas ngaliwat ka dinya da sok pas keur hujan.. Jadi sampe ayeuna weh can menang hiji oge..hehehe.. Rencana na mun tos aya potret Bunderan Munjul nu pas posisina, InsyaAlloh rek di gunakeun keur background tulisan ieu, jadi postingan / tulisan ieu backgroundna moal bodas, tapi gambar / potret Bunderan Munjul, Majalengka.. setuju tidak??

Mangga ah.. sakitu heula bewara ti simkuring.. Hatur nuhun kasadayana..

Video jeung MP3 Lagu Hayang Kawin – Kunkun

Kang Iwan — Wed, 26 Aug 2009 16:42:53 +0000

Kamari simkuring nulis lirik tembang sunda Hayang Kawin, nu dinyanyikeun ku Kang Kunkun. Nah, jadi sanes Aki Darso nu nganyanyikeunna teh, tapi Kang Kunkun.hehehe..

Mangga, nu bade ningali, nu hoyong terang video na jiga kumaha, tah di handap aya contona. Keur conto wungkul ieu mah.hehehe.. video na oge teu sampe beres, ngan satengah wungkul da.

Nah, nu hoyong mp3 na, mangga tiasa di unduh nganggo link di handap. Pokonamah, pami aranjeun resep kana laguna, mangga tiasa dipeser kasetna nu ASLI di toko toko kaset nu aya di Jawa Barat khususna, umumna sadaya toko kaset.hehehe.. tapi khan ieu mah lagu Sunda, pasti seuseueurna di toko kaset nu aya di wilayah Pasundan. Langkung gampil deui, di ibu kota Jawa Barat, di Bandung ngarah gampang mah manawi.hehehe

Klik di dieu keur ngunduh

Mangga ah, sakitu wae ti simkuring. Nu tos gaduh akun di Facebook, tiasa nga-add Abdi di www.facebook.IwanSusanto.com. Wilujeng goyang “Hayang Kawin” ah..hehehe..

Lirik Lagu Sunda Cang Cing Cong, Album Enggal ti Kang Darso

Kang Iwan — Sun, 09 Nov 2008 05:23:38 +0000

Aya nu tos pernah ngadangu? Wah jigana nu tacan kungsi mireng mah jalmi na teu resep kana lagu Sunda nya? Heheehe.. Teu nanaon lah, biasa da, pamuda-pamudi jaman kiwari mah jarang pisan anu resep kana kasenian kasundaan. Mung sakedik paling oge. Mun simkuring mah, kana basa Sunda anu emang rada sesah, Sunda na sunda kasar saurna teh. Tapi simkuring resep mun ngagunakeun Basa Sunda keur ngobrol sapopoe mun sareng Urang Sunda deui, sanajan nuju di luar kota atawa di luar daerah Sunda.

Nah, uwih deui kana judul di luhur, ternyata Aki Darso teh tos ngaluarkeun deui Album anu enggal, jigana mah sasih Mei diluncurkeuna teh, duka iraha. Nu pasti taun 2008 ayeuna da. Saparantosna Kabogoh jauh tea, sihoreng teh aya deui Album enggal deui, duka naon tah namina, teras ayena teh aya deui Judul na teh Cang Cing Cong. Hehehe.. jiga basa Cina nya? Emang laguna lagu Cina, hehehe.. Henteu ketang, laguna nyaritakeun jalma-jalma anu namina nami China, tapi lucu..hehehe.. Mangga geura, ieu lirik lagu Kang Darso anu judulna Cang Cing Cong tea. Kahade ieu sanes lirik lagu china nya, pami lirik na basa cina mah Simkuring oge moal ngarti.hehehe..

Lirik Lagu Cang Cing Cong

Si Nyangsang tukang seng
Tatangga Si Liang Hong
Boga kabogoh si momoy micipok
Si Cengli kabitaeun hayang ka cipok
Ku cipok di bejakeun ka Si nyangsang
-
Cang cing cong – cang cing cong
Si nyangsang jadi nepsong
Neneangan si Cengli kacangkilung
Cangkilung bebeja ka si cuankie
Babaturan sobat dalit si cengli
-
Si cengli sieuneun laporan ka si tai jin
Si tai jin nangtang geulut ka Si nyangsang
Si nyangsang lewih nepsong neangan taijin
Tai jin nyangsang garelut di walungan
-
Cang cing cong 3x
Cing cang cang
Cang cing cong 3x
Cing cang cang
Cang cing cong 3x
Cing cang cang
Cang cing cong 3x
Cing cang cang
-
Lagu dongeng asal ti negri hongkong
Bawa babaturan nu gede bohong

Tah kitu lirik na teh. Kumaha? Panasaran nya lagu na jiga kumaha.hehehe.. mangga, pami bade meser tos aya da di toko-toko kaset, boh kaset tip atanapi kaset VCD nu original na tos aya. Kantun peser wae. Luar biasa nya Si Aki Dasro aeh Aki Darso..hehehe.. sanajan tos sepuh oge masih wae tetep eksis di dunia kasenian Sunda. Nah, pami anu hoyong ngadangu heula jiga kumaha laguna Aki Darso anu judulna Cang Coing Cong teh, mangga, salira tiasa ngadownload mp3 lagu Cang Cing Cong ti Darso ieu. Tapi Simkuring mah masihan teh keur conto wungkul, jadi tong protes nya bilih aya kakirangan, pami hoyong puas mah meser nyalira kasetna.hehehe.. Mangga, Klik di dieu keur download lagu Cang Cing Cong. Hatur nuhun. (hapunten, samentawis file na tacan aya. Antosan wae nya.hehehe)

Lagu Kang Doel Sumbang – Urang Sunda

Kang Iwan — Sun, 19 Oct 2008 17:40:13 +0000

Wilujeng tepang ka sadayana anu parantos kersa sumping ka saung anyar ieu. Sok lah, mangga cing merenah nya. Duh, meunikaragok rek nulis nganggo basa Sunda teh, soalna mah kalamian mikir eung, mikirkeun kumaha nganggo kecap-kecap (kata-kata) anu pas tur leres. Daripada kalamian mah, nya tos wae simkuring teh nulisna nganggo elmu SAKA pami saur Untadz Simkuring mah, naon eta teh? Elmu SAKA, SAKAbisa, SAKAnyaho, SAKAkeyeng, jeung SAKA nu sanesna.hehehe..

Ngawitan ku postingan anu munggaran di blog ieu simkuring bade ngabahas “description blog Kang.IwanSusanto.Com” ieu, nyaeta “Urang Sunda lain Si Kabayan“. Nah, saleresna mah kalimah ieu dicandak tina salah sahiji lirik lagu sunda Kang Doel Sumbang anu judulna Urang Sunda. Ngawitan ngadangu lagu ieu teh pas Simkuring nuju di rorompok, na radio sababaraha taun ka pengker, jiga na pas Abdi masih sakola STM kitu nya? Pokokna mah da kapendak kasetna teh pas tos damel di Bandung, meser kaset tip na di Cimahi. Kapungkur mah da pertama ngadangu lagu ieu teh, jadi asa lucu wae lagu nateh. Lucu tapi ngagugah lirikna teh..hehe.. Nah, ieu cobian tingali geura lirikna..

Urang sunda ka marana
Urang sunda di marana
Urang sunda, urang mana
Urang sunda, Anjeun saha
-
Naha ngan saukur nu ngeusian Pulau Jawa
Naha ngan saukur lalajo bari tumenta
Gancang geura hudang buka ceuli buka mata
Geura tembongkeun urang sunda oge bisa
-
Tembongkeun urang ge bisa mela nagara
Tembongkeun urang ge bisa jadi pamimpin
Urang ge bisa nangtung ajeg jeung kawasa
Lain saukur bisa unggut jeung kumawula
-
Si Kabayan urang sunda
Urang sunda lain Si Kabayan
Si Kabayan urang sunda
Urang sunda ulah jadi si Kabayan
-
Anu karesepna ngan ukur ngagere ceuli
Anu karesepna ngan ukur heuay nundutan
Anu karesepna ngan ukur diuk ngalamun
Atawa calangap ngitungan bentang di langit
-
Mun urang kabeh reueus jadi urang sunda
Pikiran deui naon nu dipikareueus
Lamun urang sunda kabeh jadi si kabayan
Kuring melang hiji waktu urang kababayan
Urang bakal kababayan, ukur bisa kababayan, salawasna kababayan

Tah kitu lirikna teh. Mangga ka Urang Sunda anu masih ngaraos jiga si Kabayan nu dicaritakeun diluhur, mangga Urang sami-sami geura hudang, geura bangkit, bilih kababayan.hehehehe.. Nah, kitu wae lah simkuring teh nyandak deskripsi blog ieu teh. Soalna Simkuring sok di aranan / dipanggil “Kabayan” eung ku rencang damel di Jakarta, nya teunanaon ceuk Simkuring teh, da ieu mah Kabayan na ge Kabayan Dahsyat.. Amiin..hehehe..

Hatur nuhun pisan ka anu tos kersa sumping ka saung butut ieu. Hapunten cai kopi na teu aya eung. Boled na da tacan panen deui. Urang ngadu bako wae lah..hehehehe..

Anu hoyong ngadangukeun lagu ieu, mangga tiasa di galeuh kaset tip (pita) / CD / VCD lagu sunda Kang Doel Sumbang anu asli di toko kaset nu aya di wilayah Sunda (Jabar Banten), margi pami toko kaset di luar wilayah Sunda mah sok rada langki. Nu hoyong ngadangukeun heula mp3 na, mangga keur ngenalkeun, simkuring masihan link keur download mp3 lagu Kang Doel Sumbang anu judulna Urang Sunda ieu, tapi, kualitasna teu sasae pami Urang meser kaset aslina. (mangga, klik di dieu)