Nah, nu bade kirim-kirim alias kintun-kintun SMS lebaran nganggo Basa Sunda, mangga tiasa nganggo kecap, kalimah ku nyalira. Nu simpel wae, nu sederhana pami teu tiasa mah. Nu penting tujuan urang ihlas, hoyong saling memaafkan, saling ngahampura..hehehe..

Tapi, nu teu aya ide pikeun nulis SMS Idul Fitri nganggo basa Sunda, mangga di handap bieu aya conto nu ku Anjeun tiasa di salin, atanapi di copy ceuk bahasa Linggis mah, aeh Bahasa Inggris maksadna mah.

Bilih aya tutur saur nu teu ka ukur, reka basa nu pasalia, laku lampah nu teu merenah, nu ngaraheutkeun manah, neda di hapunten lahir batin. Wilujeng boboran siam 1430 H.
-
Wilujeng boboran Siam 1 Syawal 1430 H. Neda dihapunten tina samudaya kalepatan. Minal ‘Aidin wal Faizin.
-
Wening galih nu dipamrih, jembar panalar nu diteda, kana laku nu teu luyu, kana lampah nu sulaya. Mugi katampi ku galih, neda pangapunten kana samudaya kalepatan lahir tumakaning batin.
-
Urang palidkeun kapeurih ka sagala asih, urang lokat kalepatan ku tirta ning rahmat, urang sulam kembang kanyaah ku sutra hampura. wilujeng boboran siam 1430H.

Nah, 3 wae. Da simkuring mung aya 3 wungkul koleksina oge, eta oge nu taun kamari anu 2 na mah. Ukur diganti taun na wungkul..hahahahaha… (UPDATE) tos aya tambihan hiji deui ketang..hhe..

Mangga ah, sakitu wae ti simkuring. Selamat Hari Raya Idul Fitri 1430 H. Taqobbalallahu Minna Wa Minkum, Shiyamana Wa Shiyamakum. Amiin. Minal ‘Aidin wal Faizin. Geuning Bahasa Indonesia nya?? hehehe.. add fesbuk simkuring di http://facebook.iwansusanto.com